Чолпон-Ата шаарында II Эл аралык “Салбуурун” фестивалы старт алды

Кечээ, 4-сентябрда Чолпон-Ата шаарындагы “Рух-Ордо” этнокомплексинде II Эл аралык “Салбуурун” фестивалы башталды. Бүткүл дүйнөлүк көчмөндөр оюндарынын алкагында уюшулуп жаткан фестиваль 7-сентябрга чейин созулат. Бул тууралуу Дене тарбия жана спорт мамлекеттик агенттигинен кабарлашты.

Маалыматка ылайык, фестивалдын жүрүшүндө тайгандардын жана бүркүттөрдүн көрсөтмөсү да болот. Анда жалпысынан Катар, Ирландия, Польша, ТАР (ЮАР), Япония, Түштүк Корея, Кытай, АКШ, Словакия, Грузия, Казакстан, Өзбекстан, Германия, Монголия, Сауд Арабия жана Кыргызстандан катышуучуларды көрүүгө болот.