Улуттук банк: Жыл башынан бери доллардын курсу 8,4 пайызга өстү

Кыргызстанда 2014-жылдын 1-январынан 4-сентябрына чейин АКШ долларынын курсу 8,4 пайызга өстү. Муну 4-сентябрда Улуттук банк билдирди. Украина менен Орусиядагы кырдаалга жана мезгилдик факторго (суроо-талаптын күчөшү) байланыштуу ички валюталык рынокто доллардын курсу жогорулашын улантууда. 1-августтан 4-сентябрга чейин доллардын сомго карата курсу 3,1 пайызга (51,59 - 53,32) көтөрүлгөнү айтылды. Улуттук банк акча алмаштыруучу жайларда алдамчылыкка туш болуп калбоо үчүн ишкерлерди жана карапайым калкты акча алмыштыруу жана төлөм жүргүзүүнү иш күндөрүнө тууралоого чакырат (эс алуу күндөрүнө эмес).