Дин иштери боюнча комиссиянын жетекчиси Орозбек Молдалиев "муфтияттын ишине кийлигишти" деп айыпталууда

Коомдук ишмерлер Келдибек Аскаралиев менен Шерик Молдобеков КРнын Президентинин алдындагы Дин иштери боюнча мамлекеттик комиссиянын жетекчиси Орозбек Молдалиевди сотко беришти. Муну бүгүн, 8-сентябрда маалымат жыйында коомдук ишмерлер билдиришти. Орозбек Молдалиевди "муфтияттын ишине кийлигишүүдө" деп айыпташууда. Диний ишмер Саясат ажы Асанов "Молдалиев муфтияттын кадрдык саясатына кийлигишип, кимди кызматка дайындоо керектигин көрсөтүүдө. Бирок бизде дин мамлекеттен бөлүнгөн" деп билдирет.