Жол тоскондорго чара көрүү боюнча мыйзам долбоору сунушталууда

Парламенттин 11-сентябрдагы отурумунда унаа жолдорун тоскондорго чара көрүү жөнүндөгү мыйзам долбоору талкууга коюлду. Бул мыйзам долбоору эл аралык мааниге ээ болгон унаа жолдорду тоскондордун административдик жоопкерчилигин күчөтүүгө багытталат. Долбоор депутаттардын кайчы пикирин жаратты. Депутаттар "Мындай чара кабыл албасак, коңшу мамлекеттер менен болгон мамилеге терс таасирин берип жатат. Канчалаган зыяндарды тартып жатабыз" десе, башкалары "элдин жол тосуусуна бийликтин өзү түрткү берип жатат" деп каршы чыгышты.