“Ата Мекендин” лидери: “Парламент жалаң билимдүүлөр келип отура турган жер эмес, наабайчы да депутат болушу керек”

Жогорку билими жок адамды парламенттик шайлоого катыштырбоо демилгеси – жарандардын укугун чектегендик. “Ата Мекен” фракциясынын лидери Өмүрбек Текебаев ушундай пикирде. Айтымында, Жогорку Кеңешке элдин көйгөйүн чече ала турган кишилер келиши зарыл. “Парламент жогорку билимдүүлөр келип отура турган жер эмес. Наабайчынын укугун коргогону наабайчы парламентке келе алышы керек. Эл кандай болсо депутат да ошондой болушу шарт. Ошон үчүн бизди эл өкүлү деп айтат. Албетте, тийиштүү тармакка мыйзам жазуу үчүн адистер керек, ансыз болбойт”,- деди депутат.

Демократиянын атасы делген АКШда 20-кылымга чейин кедейлердин добуш берүү укугу болбогонун мисал келтирди депутат.