“Кыргыз почтасы” ишканасынын кызматкери мамлекет тарабынан бөлүнгөн акчаны өзүнө чегерип алган

“Кыргыз почтасы” мамлекеттик ишканасынын кызматкери мамлекет тарабынан бөлүнгөн акчаны өзүнө чегерип алган. Бул тууралуу Мамлекеттик экономикалык кылмыштарга каршы күрөшүү кызматы бүгүн, 12-сентябрда билдирди.

Маалыматка караганда, аталган кызматкер Ош облусунун Кара-Суу районундагы №10-райондук почта бөлүмүнүн жетекчиси болгон. Ал пенсия, жөлөк пул жана башка төлөмдөр үчүн бөлүнгөн 269 миң сом акчаны өзүнө чегерип алган. Учурда бул боюнча кылмыш иши козголуп, тергөө амалдары жүрүүдө.