Кыргызстан менен Кытай укук коргоо органдарынын кызматташтыгын күчөтөт

Кыргызстан менен Кытай укук коргоо органдарынын кызматташтыгын күчөтөт. Бул тууралуу 12-сентябрда президент Алмазбек Атамбаевдин Дүйшөмбү шаарында Кытай Эл Республикасынын Төрагасы Си Цзиньпин менен жолугушуусунда айтылды. Атамбаев Кытайдын лидери Си Цзиньпинге энергетика жана транспорттук коммуникация өңдүү Кыргызстан үчүн стратегиялык маанилүү инфраструктуралык долбоорлорду ишке ашырууда колдоо көрсөткөндүгү үчүн ыраазычылык билдирди. Мамлекет башчылары эки тараптуу мамилелердин өнүгүүсү канааттандырарлык экендигин, кыргыз-кытай стратегиялык кызматташтыктын бардык багыттары боюнча активдүү өз ара аракеттенүүнү улантууга даяр экендиктерин билдиришти.