Кыргызстанда Түркмөнстандын элчилиги ачылат

Түркмөнстандын Кыргызстандагы элчиси дайындалды, эми аталган өлкөнүн элчилиги ачылат. Бул тууралуу Жогорку Кеңештин Эл аралык иштер боюнча комитетинин 15-сентябрда өткөн жыйынында тышкы иштер министри Эрлан Абдылдаев билдирди. “Түркмөнстандын президенти 2014-жылдын 28-июлунда Түркмөнстандын Кыргызстандагы элчилигин ачуу жөнүндө жарлыкка кол койгон. Элчиликке Батыр Ниязлиев дайындалган. Эми элчилиги ачылат”,- деди министр.  

Андан сырткары депутаттардын суроолоруна жооп берүүдө 2013-жылы Түркмөнстан менен Кыргызстандын ортосундагы экспорт жана импорттун көлөмү 6,8 миллион долларга жеткенин кошумчалады.