Бишкекте атайын иш-чаранын жүрүшүндө дайынсыз жоголгон 4 өспүрүм табылды

Окуу жылынын башталышы менен Бишкек шаарында милиция кызматкерлери "Салам, мектеп!" аттуу атайын профилактикалык иш-чараларды өткөрүүдө. Иш-чаранын негизги максаты борбор калаада мектепке барбай калып жаткан балдарды каттоого алуу болуп эсептелет.

Бишкек ШИИББинин бүгүн, 15-сентябрда берген маалыматына ылайык, иш-чаранын алкагында "Алкан" базары, "Беш-Сары", "Кыял", "Дордой-Моторс", "Баткен-Комфорт", "Дордой", "Орто-Сай", "Аламүдүн" базары, "Мадина", "Кудайберген" базарлары текшерүүгө алынды. Буга катар эле өспүрүмдөр тарабынан жасалган 6 кылмыштын бети ачылып, дайынсыз жоголду деп жаткан 4 өспүрүм табылды.