Министр Осмонбек Артыкбаев 1-октябрга карата газга болгон баа кайрадан эсептелип чыгарын айтты

Жогорку Кеңештин Отун-энергетикалык комплекс жана кен пайдалануу боюнча комитетинин 16-сентябрдагы жыйынында энергетика жана өнөр жай министри Осмонбек Артыкбаев: “Газды өлкөгө жеткирүү маселеси жана баасы чечилди. Ушул жылдын 1-октябрына карата жарандар үчүн газдын баасы эсептелип чыгат”,- деп билдирди. Анын айтымында, 1-октябрдан тартып газ мурункудан арзан баада берилет.

“Сүйлөшүүлөргө ылайык, 350 миллион метр куб газ келиши керек. 1000 куб метри 165 доллардан сатылып алынат”,- деди Артыкбаев.