Депутаттар “Ширшовдун кеткенине 5 жыл болду, бирок анын схемасы дагы эле иштеп жатат” дешти

Парламенттин 18-сентябрдагы жыйынында депутат Улукбек Кочкоров: “Ширшовдун кеткенине 5 жыл болду, бирок анын схемасы дагы эле иштеп жатат. Муну токтоткула”,- деп билдирди. Жогорку Кеңештин жыйынында өкмөттүн күз-кыш мезгилине карата даярдыгы угулууда. Депутаттын айтымында, ГЭСтерде топтолгон суу дагы деле сатылып жатат. “2010-жылы Токтогул ГЭСинде топтолгон суунун көлөмү 10,5 миллиард куб метр болгон. Бүгүн ал суу жок. Ширшовдун схемасын токтоткула”,- дейт Кочкоров.