Алмазбек Атамбаев Кыргыз мамлекеттик техникалык университетинин 60 жылдыгы менен окутуучуларды куттуктады

Президент Алмазбек Атамбаев бүгүн, 18-сентябрда И.Раззаков атындагы Кыргыз мамлекеттик техникалык университетинин 60 жылдык мааракесине карата окутуучуларды жана студенттерди куттуктады. Муну президенттик аппараттан билдиришти. "Урматтуу окутуучулар жана студенттер! Сиздерди Кыргыз мамлекеттик техникалык университетинин 60 жылдык мааракеси менен куттуктайм! Бүгүнкү күндө университет техникалык билим берүүнүн флагманы болуп саналат. ЖОЖдун тарыхы - бул республиканын жогорку мектебинин түптөлүшүнүн тарыхы" деп башталган куттуктоодо окуу жайдын коомдогу орду тууралуу сөз болот.