Бактыгүл Норузбаева Маданият министрлигинин Массалык маалымат жана коммуникация департаментинин директору болуп дайындалды

КРнын Маданият, маалымат жана туризм министрлигинин алдындагы Массалык маалымат жана коммуникация департаментинин директору болуп Бактыгүл Норузбаева дайындалды. Бул тууралуу бүгүн, 19-сентябрда аталган министрликтен билдиришти.

Маалым болгондой, мындай буйрукка өкмөт башчы Жоомарт Оторбаев кол койгон.

Бактыгүл Норузбаева 2005-жылы Кыргыз туризм академиясын бүтүрүп, менеджер кесибине ээ болгон. Экинчи жогорку билимди К.Карасаев атындагы Бишкек гуманитардык университетинен алган. Өзүнүн эмгек жолун Бишкектеги Спорт комитетинен баштаган. 1995-1997-жылдары Туризм жана спорт министрлигинде башкы катчы, 1997-1998-жылдары “Кыргызинтурис” акционердик коомунда кадр бөлүмүнүн башкы инспектору, 2003-2009-жылдары Мамлекеттик каттоо кызматында мамлекеттик тил боюнча башкы адис, 2009-2013-жылдары Эл аралык жаштарды өнүктүрүү корпусунда коомчулук менен байланыш жана массалык маалымат каражаттарынын координатору. Мамлекеттик кызматта жалпы эмгек стажы 12 жыл.