Бишкек. Климаттын өзгөрүшүнө байланышкан эл аралык конференция өтүүдө

Жогорку Кеңеште бүгүн, 23-сентябрда “Евробирлик менен Борбордук Азиянын климаттын өзгөрүшү жаатындагы илимий-технологиялык кызматташтыгы” аттуу эл аралык конференция өтүп жатат. Иш-чара Жогорку Кеңештин тармактык комитеттери, Илим, технология жана инновация жаатында аймактык жана эл аралык кызматташтык жана иликтөө борбору (Греция), Евразиялык эл аралык мамилелер институту жана Маалыматты жана илимди өнүктүрүү аймактык борбору (Венгрия) тарабынан уюштурулганы айтылды. Жыйынга вице-спикер Бөдөш Мамырова, Билим берүү, илим, маданият жана спорт комитетинин төрагасы Каныбек Осмоналиев баштаган депутаттар, президенттик аппараттын, өкмөттүн, КРнын Илимдер академиясынын өкүлдөрү катышууда.