Бир айга жакын убакытта Бишкек ШИИБинин көчмө мобилдүү тобу 54 кылмыштын бетин ачты

Бишкек ШИИБинин алдында түзүлгөн түнкүсүн баш калаадагы коомдук коопсуздукту камсыз кылуучу көчмө мобилдүү топ 2012-жылдын 30-декабрынан 2013-жылдын 25-январына чейин 54 кылмыштын бетин ачты. Бул тууралуу Бишкек ШИИБинин басма сөз кызматы билдирди. Токмоктоо фактысы боюнча 4, уурулук боюнча 8, талап-тоноочулук боюнча 7, алдамчылык боюнча 3, денеге оор зыян келтирүү боюнча 18, бейбашчылык боюнча 11, зордуктоо 7 жана башка кылмыштар катталган. Ошондой эле түнкү күзөт учурунда 9 миң 790 унаа текшерүүгө алынып, 1 миң 257 протокол түзүлдү. Текшерилген унаалардын 366сы айып аянтчасына алынып барылган. Бир айга жакын аралыкта 248 айдоочу мас абалында кармалган.