Коргоо министри: "Кыргыз-түрк кызматташтыгынын алкагында Түркия тарабынан бизге 12 миллион доллар жардам берилген"

Бүгүн, 24-сентябрда Кыргызстанга Түркия Республикасынын Улуттук коргоо министри Исмет Йылмаз келди. Аны КРнын Коргоо министри Абибилла Кудайбердиев тосуп алды.

Жолугушуунун жүрүшүндө А.Кудайбердиев: “Кыргыз-түрк кызматташтыгынын жылдарынын ичинде Түркия тарабынан бизге 12 миллион доллар жардам берилип, аскер техникасы, компьютердик жана медициналык жабдуулар жана башка тармак боюнча көмөк көрсөтүлгөн”,- деди.

Анын айтымында, Түркиянын терроризм, экстремизм менен күрөшүүдө чоң тажрыйбасы бар. “Кыргызстан үчүн мындай көйгөйлөр да актуалдуу. Мындай тажрыйба менен алмашуу биз үчүн өтө маанилүү”,- деп кошумчалады министр.

Мындан тышкары ал Түркиянын Коргоо министрин мамлекетте президенттик шайлоонун ийгиликтүү өтүшү менен куттуктады.

Андан соң эки тараптуу сүйлөшүүлөр жабык эшик артында улантылды.