Өкмөт Москвада өрт кырсыгынан улам каза болгон кыргыз жарандарынын сөөгүн Кыргызстанга жеткирүү чыгымдарын төлөп берет
КРнын Эмгек, миграция жана жаштар министрлиги Москвада өрт кырсыгынан улам каза болгон кыргыз жарандарынын сөөгүн Кыргызстанга жеткирүү чыгымдарын төлөп берет. Бул тууралуу аталган министрликтин басма сөз кызматы бүгүн, 24-сентябрда билдирди.
Ошондой эле министрлик терең кайгыруу менен маркумдардын жакындарына көңүл айтат.
Айта кетсек, 19-сентябрдагы өрт кырсыгынан 1994-жылы туулган Эрлан Абдыкаров жана Анваржон уулу Баяман, 1988-жылы туулган Урмат Токтосунов жана анын жубайы Айжаркын (фамилиясы такталууда) каза болгон. Жабыркаган Кожоназар Арзыматов жана Гүлназ Өкүмалиеванын абалы дале оор.
Буга чейин Москвадагы көп кабаттуу үйдүн 7-кабатынан өрт чыгып, анда кыргызстандык 4 адам каза болуп, 6 адамдын жабыркаганы айтылган эле.








1 |