Жоомарт Оторбаев: “Кумтөр” боюнча сүйлөшүүлөр ийгиликтүү аяктаса, кыргыз тарап 60 миллион доллар дивиденд алат”

Бүгүн, 25-сентябрда Жогорку Кеңештин жыйынында премьер-министр Жоомарт Оторбаев: “Эгер биз канадалык инвесторлор менен “Күмтөр” ишканасы боюнча сүйлөшүүлөрдү ийгиликтүү өткөрүп, кыргыз тараптын үлүшүн 50 пайызга жеткирсек, 2014-жылдын соңунда Кыргызстандын дивиденди 60 миллион долларды түзүшү мүмкүн”,- деп билдирди. Анын айтымында, "Центерра" менен сүйлөшүүлөр татаал болууда. "Биз жолугушууларды да, интернет аркылуу сүйлөшүүлөрдү да өткөрүп жатабыз. "Кумтөр" ишканасы тууралуу келишим боюнча 8 мыйзам долбоору иштелип жатат",- деди премьер-министр.

Мындан тышкары Оторбаев быйыл өкмөт тарабынан аткарылган токтомдор тууралуу да маалымат берди.