КСДП фракциясы өлкөнүн Бажы биримдигине кирүүсү боюнча мыйзам долбоорлорун колдоду

Жогорку Кеңештин КСДП фракциясы өлкөнүн Бажы биримдигине кирүүсүн колдоду. Мындай чечим бүгүн, 26-сентябрда фракциянын отурумунда кабыл алынды. Жыйында Бажы биримдигине кирүүгө багытталган 16 мыйзам долбоору талкууга алынды. Депутаттардын суроолоруна экономика министри Темир Сариев жана тиешелүү министрлер жооп беришти. Талкуу жыйынтыгында депутаттар мыйзам долбоорлорун колдоп беришти. “КСДП фракциясы добуш берүү жолу менен биримдикке кирүүгө макул экендигин билдирет. Биз Бажы биримдигин колдойбуз”,- деди фракция лидери Чыныбай Турсунбеков.