Жоомарт Оторбаев: "Мындан ары Бишкек - Исфана каттамындагы учактар аптасына 2 жолудан уча баштайт"

Өкмөт жетекчиси Жоомарт Оторбаев Баткен облусунда иш сапары менен жүрөт. 26-сентябрда Исфана шаарында облус жетекчилиги жана эл аралык "Манас" аэропортунун өкүлдөрү менен жыйын өткөргөн премьер-министр "Бишкек-Исфана-Бишкек каттамы эми туруктуу иштейт. Учактар эки тарапка тең аптасына эки жолудан уча баштайт, бул өтө келечектүү багыт",- деп билдирди. Оторбаев бул аба каттамын жандантууга көмөктөшкөнү үчүн парламенттин Транспорт, коммуникация, архитектура жана курулуш комитетинин төрагасы Жусупали Исаевге ыраазычылык билдирди.