Депутаттар чек ара режимин бузгандардын жоопкерчилигин күчөтүүнү сунушташты

Мамлекеттик чек арада, чек ара аймактарында жана көзөмөлдөп өткөрүү бекеттеринде чек ара режимин бузгандарга жазаны күчөтүү сунушталууда. Тийиштүү мыйзам долбоору 29-сентябрда парламенттин Коргоо жана коопсуздук комитетинде каралды. Сунушталып жаткан өзгөртүү боюнча депутат Алмазбек Баатырбеков буларды айтты: "Эреже бузуулар боюнча административдик айыпты жарандар үчүн 30 эсептик көрсөткүчкө (3000 сом), жооптуу кызматкерлер үчүн 50 (5000 сом), чет элдик жаран үчүн 30, юридикалык тараптар үчүн 500 (50 000 сом) эсептик көрсөткүч кылуу сунушталууда".