Кыргызстанда башталгыч класстын окуучуларына мектептен 3 маал ысык тамак берилиши мүмкүн

Жогорку Кеңештин Социалдык саясат комитетинин 30-сентябрдагы жыйынында депутат Алтынбек Сулайманов “мектептеги балдарга тамак берүүнү жоёбуз” деген сөз болуп жатыптыр” деп билдирди.    

Сулайманов вице-премьер-министр Эльвира Сариевага: “Кээ бир мектепке ачка барган балдарга бир аз да болсо кубат болот. Жоюп эмне кыласыңар?”- деп суроо берди. Вице-премьер депутаттын сөзү жалган экенин айтты. "Жоёбуз" деген эч кандай сөз жок. Тескерисинче, азыр биз бир чоң долбоор менен иштешип жатабыз. Ал ишке ашса, окуучуларга үч маал ысык тамак берилет”,- деди ал.