Жогорку Кеңештин Агрардык саясат боюнча комитети 10 айда 32 жыйын өткөрүп, 128 маселени карады

Жогорку Кеңештин Агрардык саясат, суу ресурстары, экология жана аймактык өнүгүү комитети 2013-жылдын сентябрынан 2014-жылдын июлуна чейин 32 жыйын өткөрүп, 128 маселени карады. Маалымат комитеттин бир жылдык иши тууралуу отчётунда айтылат. 10 ай ичинде комитет 54 мыйзам долбоорун караган. 40 мыйзам долбоору Жогорку Кеңештин кароосуна жиберилип, анын ичинен 39 мыйзам долбоору парламент тарабынан кабыл алынып, президент кол койгон. Комитет мүчөлөрү тарабынан 10 мыйзам долбоору иштелип чыкканы айтылды.