Исмаил Исаков "жергиликтүү соттор эл тарабынан 7 жылга шайланышы керек" дейт

"Кыргызстанда жергиликтүү соттор эл тарабынан 5-7 жылга шайланышы керек". Парламент депутаты Исмаил Исаков ушундай пикирде. Жогорку Кеңештеги оппозиция өкүлдөрү сунуштап жаткан "Мамлекетти башкаруунун жаңы концепциясы" тууралуу депутат 8-октябрда "Парламент" радиосундагы маегинде төмөнкүлөрдү билдирди: "2020-жылга чейин 3 этап менен жүзөгө ашырылуучу кадамдардын катарында биринчи болуп өкмөттүн ыйгарым укуктарын күчөтүү милдети турат. Министрликтердин санын кыскартуу жагы да сунушталууда. Башкы прокуратурадан тергөө, куугунтуктоо укугун алып салып, көзөмөл жүргүзүү гана милдети калтырылат".

Депутат сот тармагы боюнча жасалчу кадамдарды да атады. "Жергиликтүү соттор 5-7 жылга эл тарабынан шайланышы керек”,- деди депутат.