Алтынбек Максүтов президенттин буйругу менен маданият, маалымат жана туризм министри болуп дайындалды

Алтынбек Максүтов Кыргыз Республикасынын Маданият, маалымат жана туризм министри болуп дайындалды. Тийиштүү буйрукка бүгүн, 11-октябрда президент Алмазбек Атамбаев кол койгонун президенттик аппараттын басма сөз кызматы кабарлады. Айта кетсек, Алтынбек Максүтовдун талапкерлиги "Ар-намыс" фракциясы аркылуу өкмөткө сунушталып, өкмөттүн макулдугунан кийин, 8-октябрда Жогорку Кеңеш аны министр кылып шайлаган болчу.