Дыйкандар жыл башынан бери 4,8 миллиард сом жеңилдетилген насыя алышты

Кыргызстанда дыйкандар 14-октябрга карата “Айыл чарбасын каржылоо-2” долбоорунун алкагында 4 миллиард 836 миллион 911 миң сом жеңилдетилген насыя алышты. Муну өкмөттүн басма сөз кызматы билдирди. Насыя 14 516 жаранга берилгени айтылды. Насыя алуулардын көрсөткүчү аймактар боюнча төмөнкүдөй:

Чүй облусунда 1 миллиард 327 миллион 391 миң сом;

Ысык-Көл облусунда 529 миллион 117 миң сом;

Талас облусунда 477 миллион 065 миң сом;

Нарын облусунда 429 миллион 913 миң сом;

Жалал-Абад облусунда 902 миллион 470 миң сом;

Ош облусунда 821 миллион 074 миң сом;

Баткен облусунда 349 миллион 881 миң сом.