Ысык-Көл өнүктүрүү фондун башкаруу боюнча дирекциянын кызмат адамдарына карата козголгон кылмыш иши сотко жөнөтүлдү

Башкы прокуратура Ысык-Көл өнүктүрүү фондун башкаруу боюнча дирекциянын кызмат адамдарына жана жеке компаниянын өкүлүнө карата козголгон кылмыш ишин Каракол шаардык сотуна жөнөттү. Бул тууралуу бүгүн, 16-октябрда Башкы прокуратуранын басма сөз кызматы билдирди.

Маалыматка караганда, аталган дирекциянын кызмат адамдары жеке ишкана менен ич ара сүйлөшүп алышып, Ысык-Көл облусундагы мектеп, училище, балдар бакчасын оңдоп-түзөө үчүн бөлүнгөн акчаны өздөрүнө чегерип алышкан. Бул боюнча “коррупция”, “алдамчылык”, “ишенип берилген мүлктү ыйгарып алуу”, “кызматтык абалынан кыянаттык менен пайдалануу” беренелери боюнча кылмыш иши козголгон.