Абдырахман Маматалиев Кыргызстанда качкындардын саны азайып жатканын билдирди

Бүгүн, 16-октябрда вице-премьер-министр Абдырахман Маматалиев Кыргызстандагы БУУнун Качкындар иши боюнча Жогорку комиссар башкармалык өкүлчүлүгүнүн жетекчиси Йоханн Сиффоант менен жолугушту.

Маматалиев Кыргызстан БУУнун 1951-жылкы Качкындар макамы жөнүндө конвенциясына жана 1967-жылкы протоколуна кошулган күндөн тарта качкындар боюнча көптөгөн иштер аткарылганын белгилейт. Муну менен Кыргызстанда качкындардын саны азайып жатканы айтылды. 

Вице-премьер аталган өкүлчүлүккө миграция жана качкындардын абалы жаатындагы кызматташтыкты чыңдоого көрсөткөн жардамы үчүн ыраазычылык билдирди жана уюмдун программа, долбоорлорун өкмөт колдоого аларын кошумчалады.