Бишкекте алдамчылыкка шектелип Орусиянын 26 жаштагы жараны кармалды

Бишкекте алдамчылыкка шектелип Орусиянын 26 жаштагы жараны кармалды. Бул тууралуу Бишкек ШИИББинин басма сөз кызматы бүгүн, 17-октябрда билдирди.

Маалыматка караганда, аталган жаран шаар тургундарына өзүн ар кайсы элчиликтердин өкүлүмүн деп тааныштырып, аларга виза алып берүү боюнча көмөк көрсөтөрүн айткан. Буга ишенген айрым жарандар алдын ала кызмат үчүн акча беришкен. Кылмышка шектүү акча колго тийгенден кийин дайынсыз болуп жоголуп кетчү.

Учурда Октябрь райондук ички иштер башкармалыгына бул жарандын алдамчылык иш-аракеттеринен жапа чеккен 2 жабырлануучу кайрылган. Эгерде кимде-ким бул жарандан жабыркаса, 0 771 15-78-04, 0 554 10-22-78 номурлары аркылуу кайрылса болот.