Алтынбек Сулайманов өкмөт өкүлүнө буфери жок унаа минип көрүүнү сунуштады

Кыргызстандагы коруктардын ядролук зонасын кичирейтип, буфердик зонасын кеңейтүүгө депутат Алтынбек Сулайманов да каршы. Депутаттын айтымында, эгер буфердик зонаны пайдаланууга кенен укук берилсе, анда коруктун ядросуна түздөн-түз сокку урулат. Токой чарба жана айлана-чөйрөнү коргоо агенттигинин башчысы Сабир Атажановго кайрылган депутат буфер жөнүндө маалымат берди. "Сиз буфери жок машина минесизби? Минбейсиз, анткени буфери жок машинанын капоту талкаланат. Коруктарда деле ушундай, буфердик зона бекеринен түзүлгөн эмес. Буфердик зона ядролук зонаны талкалануудан коргоп турат",- деди Сулайманов.