Миграциялык процесстерди мамлекеттик жөнгө салуу күчөтүлүүдө

Жогорку Кеңештин 22-октябрдагы жыйынында миграциялык процесстерди мамлекеттик жөнгө салууну күчөтүүгө багытталган мыйзам долбоору каралды. Бул маселе боюнча эмгек, миграция жана жаштар министри Алиясбек Алымкулов баяндама жасады.

Мыйзам долбоордун концепциясы миграциялык процесстерди мамлекеттик жөнгө салууну күчөтүүгө, чет өлкөлүк жарандардын жана жарандыгы жок адамдардын Кыргызстанга кирүү жана жүрүү тартибин иретке салууга жана турукташтырууга багытталган. Ошону менен катар Кыргыз Республикасынын Конституциясына ылайык келтирүү жана иммиграциялык процесстерди натыйжалуу жөнгө салуу жолу менен тышкы миграция чөйрөсүндөгү мыйзамдарын жакшыртуу болуп саналат. Мыйзам долбоору 1-окууда добуш берүүгө жиберилди.