Орусиялык ырчы Юлия Савичева 10 жылдан бери сүйлөшүп келген сүйүктүүсүнө турмушка чыкты

Белгилүү ырчы Юлия Савичева өзүнүн сүйүктүүсү Александр Аршинов аттуу композиторго турмушка чыкты. Бул тууралуу бүгүн, 23-октябрда орусиялык массалык маалымат каражаттары жазып чыгышты. Белгилүү болгондой, эки жаштын никесин каттоо аземине жакындары гана чакырылган, ал эми үйлөнүү тою кечинде орусиялык шоу чөйрөнүн өкүлдөрүнүн катышуусунда өтмөкчү.

26 жаштагы Юлия Савичева Александр менен 10 жылдан бери кыз-жигит болуп сүйлөшүп келген. Бир кезде рок-группада ойноп, андан соң Юлиянын музыкаларын жазууга баш-оту менен киришкен Александр: “Биз 10 жыл бою руханий жактан бул кадамга даярданып келип, артка жол жок экенин түшүндүк”,- дейт.