Асылбек Жээнбеков: “Дыйкандар митингге чыгышса эле төө буурчактын баасы көтөрүлүп кетпейт”

“Талас облусундагы дыйкандар митингге чыгышса эле төө буурчактын баасы көтөрүлүп кетпейт, тескерисинче, түшөт”,- деп билдирди спикер Асылбек Жээнбеков парламенттин 23-октябрдагы жыйынында. Төрага жыйынга катышкан таластык дыйкандарды сабырдуулукка чакырды. “Туугандар, бир аз сабыр кылып тургула. Буюрса, төө буурчактын баасы көтөрүлөт, былтыр деле дароо 120 сомдон башталган эмес. 65 сомдон башталып, 2014-жылдын январында 120-130 сомго чыккан”,- деди Жээнбеков.

Жыйында төө буурчактын баасынын кескин түшүп кетиши боюнча Талас облусунан келген дыйкандардын кайрылуусу каралды.