Коргоо министрлиги менен Куралдуу күчтөрдүн Башкы штабынын укуктары бөлүштүрүлөт

Жогорку Кеңеш 23-октябрдагы жыйынында Коргоо министрлигинин ыйгарым укуктарын кыскартууга багытталган мыйзам долбоорун 3-окууда кабыл алды. Документке ылайык, Коргоо министрлиги менен Куралдуу күчтөрдүн Башкы штабынын ыйгарым укуктары бөлүштүрүлмөкчү. Демилгечи депутат Исмаил Исаковдун айтымында, Коргоо министрлиги армиянын каржы маселелерин чечет жана саясат жүргүзөт. Анын негизинде Башкы штаб аскерлерди согушка даярдайт жана башка иштерди жүргүзөт.