Дем алыш күндөрү Бишкектин айрым жерлеринде электр жарыгы өчүрүлөт

Аба чубалгылары менен бир катар көмөк чордондорундагы оңдоо иштерине жана акылдуу эсептегичтерди орнотууга байланыштуу дем алыш күндөрү Бишкектин айрым жерлеринде электр жарыгы өчүрүлөт. Бул тууралуу "Түндүк электр" АККнын басма сөз кызматы билдирди.

Маалыматка ылайык, 1-ноябрда саат 09:00дөн 17:00гө чейин Бишкек шаарынын Брестская, Волков, Владимировская, Кустанайская, Безымянная, Камчатская көчөлөрүндө жарык өчүрүлөт. Ошондой эле Самарканд, Айни, Циолковский, Чукотская, Леваневский, Псковская, Нур-Ордо, Арпа, Солтон-Сары, Тойгонбаев, Осипенко, Исанов, Тюменская, Профессор Зима, Тоголок Молдо, Чүй-248, Мозолев, Средняя, Монгольский, Безымянная, Камчатская, Сухомлинов көчөлөрүнө жана Краснофлотский, Вилюйский, Кантский, Ленинопольский тар көчөлөрүнө “акылдуу” эсептегичтердин орнотулушуна байланыштуу электр жарыгы үзгүлтүккө учурайт.

2-ноябрда Лев Толстой-58, Арча-Бешик (Кара-Коо, Бах, Некрасов) конушунда трансформаторлордогу жана кабелдик чубалгылардагы оңдоо иштерине байланыштуу электр энергиясы үзгүлтүккө учурашы мүмкүн.