Футбол боюнча өлкө чемпиондугунда “Манас” менен “Ала-Тоо” 1:1 эсебинде тең ойношту

Кечээ, 2-ноябрда нарындык “Ала-Тоо” менен бишкектик “Манас” клубдары футбол боюнча өлкө чемпиондугу – ТОП-Лиганын 2014-жылкы сезонунда акыркы беттештерин өткөрүштү. Футболдук борбордо өткөн беттеште командалар 1:1 эсебинде тең ойношту. Бул тең чыгуу “Ала-Тоонун” мелдеш жадыбалында 6-орунду ээлешине жолтоо болгон жок. Ал эми бардык оюндарын уттуруп келген “Манас” сезондун акыркы 3 оюнунда атаандаштары менен тең ойноду.