Айчүрөк Иманалиева Чехияда өтчү “Бриллиант үн” Эл аралык сынагында калыстар тобунун мүчөсү болот

КРнын Эмгек сиңирген артисти Айчүрөк Иманалиева Чехиянын Прага шаарында өтө турган “Бриллиант үн 2014” (“Diamond Voice”) Эл аралык фестиваль-сынагында калыстар тобунун мүчөсү болот. Бул тууралуу ырчы SUPER.KG порталына бүгүн, 3-ноябрда билдирди.

“Бул сынакка Кыргызстандын намысын коргоп Курал Чокоев катышса, мен калыстар тобунун катарын толуктап, мүчөсү болгонум үчүн кубанып жатам. Учурда колубузга виза, билеттерди алдык, буюрса, 25-ноябрда учуп кетебиз. 

Даярдык күч болгондуктан, жеңиш менен кайтабыз деген ишеничтемин. Кошумчалай кетсем, ал жакта балдардын арасында өткөрүлчү сынакта да калыстар тобунун мүчөсү болом. Бул сунуш жакында гана айтылгандыктан, бизден балдарды даярдай албай калдык. Эмдиги жылы таланттуу өспүрүм балдарды алып барабыз”,- деди.