“Дордой” Кантта “Абдыш-Атага” утулганына карабай расмий түрдө футбол боюнча өлкө чемпиону аталды

Бүгүн, 5-ноябрда Бишкек жана Кочкор-Ата шаарларында футбол боюнча өлкө биринчилигинин акыркы турлары болуп өттү. Кантта бишкектик “Дордой” конокто канттык “Абдыш-Ата” менен беттешип, 1:0 эсебинде жеңилүүгө туш болду. Ал эми Кочкор-Ата шаарында өткөн беттеште “Нефтичи” куршабдык “Алдиерди” кабыл алып, 1:0 эсебинде утуп алды. Бул жеңилүүгө карабай “Дордой” топтогон упайларынын негизинде расмий түрдө чемпион аталды. Бишкектик клуб бул жолку жеңиши менен өз тарыхында 9-ирет чемпиондук кубокко ээ болду.