Ош шаарынын мэри Мелис Мырзакматовдун кызматтык мөөнөтү бүттү

29-январда Ош шаарынын мэри Мелис Мырзакматовдун кызматтык мөөнөтү аяктады. Буга байланыштуу бүгүн, 30-январда премьер-министр Жантөрө Сатыбалдиев менен мэр Мелис Мырзакматов жолугушуу өткөрдү. Жолугушууда Ош шаарынын жаңы мэри шайланганга чейин мэрдин милдетин Мелис мырза аткара тургандыгы белгилүү болду. Сүйлөшүүдө Ош шаарынын 2012-жылдагы социалдык-экономикалык көрсөткүчтөрү жана быйылкы жылга карата иш пландары да айтылды. Айта кетсек, буга чейин иштеп келген мыйзам боюнча Ош шаарынын жаңы мэри болчу талапкер президент тарабынан сунушталат. А бирок учурда Жогорку Кеңеште талкууланып жаткан "Ош жана Бишкек шаарларынын статусу жөнүндө" мыйзам долбоору кабыл алынып калса, мэрлик орунга талапкерди Ош шаардык кеңешинин депутаттары сунуштамакчы.