Жогорку Кеңештин комитети жаштардын Сирияга кетишин токтотуу боюнча Ошто көчмө жыйын өткөрөт

Жогорку Кеңештин Коргоо жана коопсуздук боюнча комитети 17-ноябрда Ош шаарында көчмө жыйын өткөрөт. Талкуулана турган тема: "Диний экстремизмге жана эл аралык терроризмге каршы күрөшүү", тактап айтканда, жаштардын Сириядагы согуштук аракеттерге катышууга кетүү жолдорун жабуу, мунун алдын алуу үчүн комплекстүү иш-чараларды күчөтүү. ЖКнын маалымат кызматы билдиргендей, аталган маселе боюнча Коргоо жана коопсуздук комитетинин төрагасы Алмазбек Баатырбеков баяндама жасамакчы.