"Кыргызстандагы техникалык жөнгө салуунун негиздери жөнүндө" мыйзамга өзгөртүү жана толуктоо кирди

Президент Алмазбек Атамбаев "Кыргыз Республикасындагы техникалык жөнгө салуунун негиздери жөнүндө" КРнын мыйзамына өзгөртүү жана толуктоо киргизүү тууралуу" мыйзамга кол койду. Жогорку Кеңеш тарабынан  2014-жылдын 8-октябрында кабыл алынган мыйзамда 2004-жылдын 22-майындагы "Кыргызстандагы техникалык жөнгө салуунун негиздери жөнүндө" мыйзамдын техникалык жөнгө салуу объектилери, түшүнүк аппараттары, шайкештигин баалоо, техникалык регламенттердин талаптарын сактоого мамлекеттик көзөмөл жүргүзүү, ошондой эле мыйзамдын өткөөл жоболорунун таасир этүү чөйрөсүнө тиешелүү ченемдерге түзөтүүлөр киргизилет. Мыйзам расмий жарыяланган күндөн 15 күн өткөндөн кийин күчүнө кирет.