Бишкектеги Кыргыз-Түрк "Манас" университетинде "Медиакөпөлөк-2013" аттуу фестиваль башталды

Бүгүн, 1-февралда Бишкектеги Кыргыз-Түрк “Манас” университетинде “Медиакөпөлөк-2013” аттуу фестиваль башталды. Фестивалда ЖОЖдун 40ка жакын студенти “Атайын ТВ репортажы”, “Атайын радио репортажы”, “Экономика журналистикасы”, “фото-сүрөт”, “Арт: фотошоп өнөрчүлүгү”, “Кыска метраждуу кино”, “Социалдык жарнама”, “Анимация” категориялары боюнча ат салышат. Алардын өнөрлөрүн Кыргызстанга белгилүү коомдук ишмерлер, журналисттер жана аталган университеттин мугалимдеринен түзүлгөн атайын калыстар тобу баалашмакчы. Фестиваль 13-февралда жыйынтыкталат.