"Электр станциялары" ишканасындагы коррупциялык иштер боюнча кылмыш иши козголду

"Электр станциялары" ишканасындагы коррупциялык иштер боюнча кылмыш иши козголду. Бул тууралуу бүгүн, 1-декабрда УКМКнын Коррупцияга каршы кызматы билдирди.

Маалыматка караганда, 2011-жылы “Электр станциялары” ишканасынын жетекчилиги тарабынан Шамалды-Сайдагы көп кабаттуу үйдү капиталдык оңдоп-түзөөдөн өткөрүү үчүн “Сагындык” ишканасы менен келишим түзүлгөн. Бул үчүн “Электр станциялары” ишканасы “Сагындык” ишканасынын эсебине 2 миллион 236 миң сом которгон. Бирок иликтөө иштеринин жүрүшүндө “Электр станциялары” ишканасынын балансындагы көп кабаттуу эки үйдүн дээрлик 85 пайызы менчиктештирилип кеткени аныкталган. Мындан улам батир ээлери оңдоп-түзөө иштерине өз эсебинен төлөшү керек эле. Мунун кесепетинен 604 миң сомдон ашык зыян келтирилген. Учурда бул факты боюнча кылмыш иши козголуп, тергөө амалдары жүрүп жатат.