Башкы прокурор Аида Салянова депутат Садыр Жапаровдун сотто айткан "баш прокурордун коррупциялык иштерге катышы бар" деген билдирүүсүн текшерүүнү УКМКга тапшырды

Башкы прокурор Аида Салянова УКМКга депутат Садыр Жапаровдун "башкы прокурордун коррупциялык иштерге катыштыгы бар" деген билдирүүсүн текшерүүгө алууну тапшырды. Бул тууралуу Башкы прокуратуранын басма сөз кызматы билдирет. Белгилүү болгондой, 1-февраль күнү ЖКнын депутаттары Садыр Жапаров, Камчыбек Ташиев, Талант Мамытов боюнча өткөн сотто айыпталуучу депутат Садыр Жапаров башкы прокурор Аида Салянованы “Кумтөр” ишканасынын карыздарын мыйзамсыз түрдө жоюуга аралашкан, бул иши үчүн аталган компаниядан акча алган" деп билдирген болчу.