Супер-Инфо
super.kg видео
Саламат Садыкованын кызы Кундуз Авашова: "Апам уурдалган акчасына батир алам деп жүргөн"
Кундуз Авашова, Кубаныч Сатаев, Саламат Садыкова.
Кундуз Авашова, Кубаныч Сатаев, Саламат Садыкова.
Ырчы Саламат Садыкованын үйү тонолгонун укук коргоо органдары маалымдашкан. Бул боюнча 4-декабрда SUPER.KG порталына Саламат Садыкованын кызы Кундуз Авашова: "Апамдын Бишкек шаарынан батир алам деп топтоп жүргөн акчасы бар эле. Бирок ылайыктуусун таппай, ана-мына дегиче ал акчаны уурулар пайдаланып кетишти",- деп билдирди.
Автор: Максат Орозумбетов
Окуя 2-декабрда ырчынын Бишкек шаарынын 6-кичи районунда жайгашкан үйүндө орун алган. "Бирөөнүн маңдай тери менен тапкан эмгегин уурдап жеген адамдар арабызда кантип басып жүрүшөт?! Уурулар апамдын жана кызымдын үйдө жоктугунан пайдаланып, эшиктин кулпусун бузуп киришиптир. Уктоочу бөлмөдөгү зер буюмдарга тийбей, ошол акчаны табыш үчүн болгон жердин баарын аңтарып, чачышыптыр.
Дагы жакшы, ал күнү апам жумушта кармалып, үйгө кеч кайткан экен. Жакында эле машинасынын 4 дөңгөлөгүн чыгарып, бирөөсү унаасын сүзүп кеткен. Бирок алар кармалышып, кайра кечирим сурап, чыгымды төлөшкөн. Апамдын артынан аңдыган адамдар болушу мүмкүн. Ал үчүн да азыр менде уйку жок. Тынчсызданганымдан кан басымым көтөрүлүп, дары ичип отурам. Болгон окуяны милицияга айтып түшүндүрдүк. Алар бул ишти иликтеп жаткандарын айтышты",- дейт Кундуз Авашова.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
2
2
Качан окубайын уурдап кетти деп жүрөтко.
Былтырда көлдөн тоноп кетишти беле.
Балким өзүнө өчөшкөн кишиси бардыр.
Ууру алыстан келбейт, душман ууру дайыма жаныңда жүрөт, бирок биз сезбейбизда...