Бишкекте Б.Кыдыкеева атындагы Жаштар театрынын актёрлорунун катышуусунда театралдык флешмоб өтөт

Бүгүн, 5-декабрда Бишкек шаарындагы соода борборлорунун биринде Галина Кетованын жетекчилиги менен театралдык флешмоб өтөт.  Бул тууралуу Маданият, маалымат жана туризм министрлигинин басма сөз кызматы билдирди. 

Маалыматка караганда, иш-чаранын негизги максаты – театралдык искусствого коомчулуктун көңүлүн буруу, пропагандалоо. 

Ч.Айтматов атындагы Мамлекеттик улуттук драма театрынын башкы директорунун орун басарынын милдетин аткаруучу Жамиля Туляеванын айтымында, флешмобго Б.Кыдыкеева атындагы Жаштар театрынын актёрлору катышат.