Грек-рим күрөшү боюнча Москвада өткөн мелдеште кыргызстандык спортчулар байгелүү орунду ээлешти

Грек-рим күрөшү боюнча Москва шаарында өткөн өспүрүмдөр арасындагы мелдеште кыргызстандык спортчулар байгелүү орунду ээлешти. Бул тууралуу Раатбек Санатбаев атындагы спорт мектебинин жетекчиси Азатбек Тынаев билдирди. Маалыматка ылайык, 1-февралдан 3-февралга чейин Москва шаарында эркин күрөш боюнча биринчи Олимпиада чемпиону Борис Гуревичтин элесине арналган мелдеш өттү. Ага 10 мамлекеттен 61 команда катышып, Кыргызстандан барган Калый Сулайманов менен Рустам Рахматуллаев 2-орунду ээлешсе, Нуржигит Ташболотов менен Өсөр Жусупбеков 3-орунду багындырышты. Ал эми Халмурат Ибрагимов менен Адилет Таалайбеков 5-орунга татыктуу болушту.