Супер-Инфо
super.kg видео
SUPER.KG порталы Фейсбуктун колдонуучуларынын тандоосу боюнча "Жылдын мыкты маалымат булагы" деп табылды
Акын Бактыгүл Чотурова менен маданият министри Алтынбек Максүтов.
"Кыз-Бурак" тобу кечеде чыгармачылыгын тартуулап жаткан учур.
"Фейсбукчулардын" жолугушуусунда ырчы Гүлнур Асанова да чыгармаларын тартуулады.
Гитарада кол ойноткон жаш талант Чолпонай.
Кече кызыктуу оюндарга бай болду. Аркан тартышуу.
"Фейсбукчу" мырзалар мүшөккө түшүп, шамдагайлык боюнча жарышууда.
"Фейсбукчу" кыздар арасында "Молекула" оюну.
Фейсбук социалдык тармагында саясат, маданият, массалык маалымат каражаттарынын мыктысын аныктаган сурамжылоо жүргүзүлгөн. Бир жума аралыгында кыргызстандык Фейсбук колдонуучулары тандоо жасашып, натыйжада “Жылдын мыкты маалымат булагы” наамына SUPER.KG порталы татыктуу болду. Ошондой эле сыйлыкты "Азаттык" үналгысы да алды.
Добуш берүүдө жеңүүчү деп табылгандарга сыйлык берүү аземи 20-декабрда болуп өттү. Фейсбуктун колдонуучуларынын жолугушуусуна маданият министри Алтынбек Максүтов жана башка саясий ишмерлер катышышты. Кыргызстанда биринчи жолу өтүп жаткан иш-чараны журналист Кудрет Тайчабаров уюштуруп, ал Нурзат Токтосунова менен биргеликте алып баруучулук тизгинди аркалады.
Кечеге катышкан ырчылар Гүлнур Сатылганова, Түмөнбай Колдошов, Абидин Темиров, Анжелика, Нурлан Насип, Гүлнур Асанова, "Кыз-Бурак" тобу жана башкалар чыгармачылыгын тартуулашты. Кызыктуу оюндар уюштурулуп, жеңүүчүлөргө баалуу белектер тапшырылды.
Фейсбук - дүйнөдөгү ири социалдык тармактардын бири. Ал 2004-жылы Гарвард университетинде билим алып жаткан Марк Цукерберг тарабынан негизделген. Үстүбүздөгү жылдын июль айында социалдык тармактын колдонуучуларынын саны 1,32 миллиардга жеткен.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
14:55
2025-07-10
Рейтинг: 
4
4
Сунушуңузга рахмат.
Рахмат! Концерт жакында болот, жакындаганда кабарлайбыз.