Ысык-Көл. Жети-Өгүз районунун тургунунун үйүнөн баңгизаты табылды

Жети-Өгүз районуна караштуу Липенка айылынын тургуну, 1971-жылы туулган А.П. аттуу адамдын үйүнөн 3 килограмм баңгизаты табылды. Бул тууралуу облустук Ички иштер башкармалыгынын маалымат катчысы Сталбек Усубакунов билдирди. Анын айтымында, бул адам мурда дагы сот жообуна тартылган. Аны кармоо ишин «Мак-2012» операциясынын ыкчам тобу жүргүздү. Учурда ал адамга кылмыш иши козголуп, иликтөө жүрүп жатат.