10-ноябрда Бишкекте жол коопсуздугуна арналган "Биз коопсуз жол үчүн" акциясы өтөт

  Бишкек шаарында 10-ноябрда "Жол коопсуздугу" коомдук уюму "Биз коопсуз жол үчүн!" деген ураандын астында акция өткөрөт. Иш-чара баш калаанын "Ала-Тоо" аянтында эртең мененки саат 10:00дө башталмакчы. Акциянын максаты - жол кырсыгынын олуттуулугуна, андан өлгөндөрдүн саны жыл сайын жогорулап жатканына шаардыктардын көңүлүн буруу, ар бир адамдын жоопкерчилигин жогорулатуу. Аталган иш-чарага ар бир каалаган адам катышса болот жана акция учурунда катышуучулар колдоруна ар кандай жол белгилерин жана жөө адамдарды жолдо жүрүүнүн эрежелерин сактоого үндөгөн бир катар плакаттарды кармап, коомчулуктун көңүлүн бурат. Аягында катышуучулар жол кырсыгынан каза болгондорду эскерүү мүнөтүн жарыялап, асманга тынчтыктын символу болгон көгүчкөндөрдү учурушат.